Ende mbetet kritike situata e zjarrit në Krastë të Elbasanit, i cili vazhdon prej më shumë se 24 orësh.
Qindra persona po përballen me flakët, ndërsa Elbasani është zgjuar i mbuluar me re të mëdha tymi nga ajo që cilësohej mushkëria e qytetit.
Zjarrfikësit e Elbasanit, Librazhdit, Peqinit, Gramshit, Lushnjes, forcat e ushtrisë, punonjës të Bashkisë së Elbasanit dhe kompani private luftojnë me flakët prej 24 orësh.
“Kemi 24 orë që luftojmë me zjarrin. Janë djegur rreth 100 hektarë sipërfaqe, por më e rëndësishme është se zjarri është sipërfaqësor dhe janë djegur shkurret dhe bimësia e ulët”, ka deklaruar Klevis Xhoxhi, nënkryetar i Bashkisë së Elbasanit.
Ndërsa shefi i shërbimit zjarrfikës, Tajar Alla thotë se situata po shkon drejt normalizimit, por temperaturat e larta e bëjnë zonën një minë me sahat.
“Për momentin situata është nën kontroll por vatrat e zjarrit mund të riaktivizohen dhe kjo po ndodh me rritjen e temperaturave. Të kishim ndihmë nga ajri nuk do të ishte keq”, ka deklaruar Alla.
Puna më e madhe e ekipeve u përqëndrua në pjesën lindore të Krastës, ku është zonë e banuar dhe shtëpitë u rrezikuan seriozisht gjatë natës./Top Channel
Kurti takoi Drejtorin e Përgjithshëm për Zgjerim të Bashkimi...
Arrestohen dy persona të cilët kërkoheshin me nga dy urdhër...
Policia konfirmon se Florim Zeqiri u vra me 6 plumba: Po pun...
Vuçiq: Serbia, e vendosur të forcojë bashkëpunimin me SHBA-n...
Ky është Florim Zeqiri, personi që u qëllua për vdekje sot n...
“U intervistova për zbardhjen e të vërtetës”, De...