Google ADS

Elbasan, maunia përplas për vdekje këmbësorin

22:09 | 4 Dhjetor 2017
Arbresh.info

Një 37-vjeçar nga Elbasani gjeti vdekjen mbrëmjen e së dielës teksa u përplas nga një maune në aksin Elbasan-Librazhd, shkruan Top Channel.

Agron Murati ishte duke lëvizur në këmbë në anë të rrugës kur është përplasur nga mjeti. Policia ka mbërritur në vendngjarje, por nuk ka mundur të bëjë asgjë për të shpëtuar jetën e 37-vjeçarit, i cili gjeti vdekjen e menjëhershme pas përplasjes.

Policia shoqëroi drejtuesin e mjetit, një shtetas maqedonas, i cili është marrë në pyetje për rrethanat e aksidentit të rëndë. Grupi hetimor ka kryer veprimet në vendin e ngjarjes.

Dyshohet se shiu i dendur dhe mungesa e ndriçimit në rrugë kanë penguar shikueshmërinë e drejtuesit të maunes, që përplasi në mënyrë fatale kalimtarin.

 Top Channel

Shpërndaje në rrjete sociale

Lajmet më të lexuara

Të ngjashme

Foto lajm