Google ADS

Eksperimenti kimik shkon keq në shkollën në Fier, 6 nxënës dërgohen në spital

14:18 | 28 Shkurt 2020
Arbresh.info

Një reaksion kimik në laboratorin e Shkollës së Mesme të përgjithshme Janaq Kilica në Fier duket se ka shkaktuar panik tek nxënësit dhe në gjithë shkollën.

Mësohet se nxënësit kanë qenë në orën e mësimit duke zhvilluar një eksperiment që më pas ka ndodhur edhe reaksioni duke çuar në një re tymi.

Mësohet se 6 nxënës kanë dalë nga klasa nga asfiksia dhe më pas janë dërguar me urgjencë në spitalin e Fierit.

Fier/ Informacion paraprak

Sot rreth orës 13:10, në lagjen “Kastriot”, në një shkollë të mesme në Fier, në kabinetin e laboratorit, gjatë mësimit, 6 nxënës kanë pasur të kollitura dhe vështirësi në frymëmarrje.

Menjëherë nxënësit janë çuar për kontroll mjekësor në Spitalin Rajonal Fier dhe janë në gjendje të mirë shëndetësore.

Paraprakisht nuk dihet kush ka qenë shkaku i kësaj situate.

Në vendin e ngjarjes shkoi grupi hetimor dhe po punohet për sqarimin e rrethanave dhe gjetjen e shkakut të kësaj ngjarje./tch

Shpërndaje në rrjete sociale

Lajmet më të lexuara

Të ngjashme

Foto lajm