Google ADS

Edi Rama: Shpërblim për mësuesit dhe edukatorët nga Pakoja e Madhe

19:39 | 30 Dhjetor 2022
E.H

Mësuesit dhe edukatorët në Shqipëri do të përfitojnë shpërblim nga Pakoja e Madhe e qeverisë, ka njoftuar kryeministri shqiptar, Edi Rama.

Shpërblime për mësuesit dhe edukatorët do të ndahen në dy kategori.

Ata që marrin rrogë nën 60 mijë Lekë të reja bruto do të përfitojnë 20 mijë Lekë të reja.

Kurse mësuesit dhe edukatorët me pagë mbi 60 mijë Lekë të reja bruto do të marrin 10 mijë Lekë të reja shpërblim.

“6045 mësues dhe edukatorë me pagë bruto nën 60 mijë lekë do të përfitojnë një vlerë monetare prej 20,000 lekë (të reja) nga Pakoja e Madhe, ndërkohë që 30,693 mësues dhe edukatorë të tjerë, me pagë bruto mbi 60 mijë lekë falë rritjes së vazhdueshme të pagave, do të marrin 10,000 lekë (të reja) dhe të gjithë së bashku nuk do ta kenë në familjet e tyre shqetësimin e inflacionit të luftës mbi konsumin bazë, në këtë periudhë jo të lehtë për të gjithë”, shkruan kryeministri Edi Rama. /tvklan.al

Shpërndaje në rrjete sociale

Lajmet më të lexuara

Të ngjashme

Foto lajm