Drejtuesit e automjeteve kanë qarkulluar lirisht këtë të premte, pas prishjes së një rrethrrotullimi të ndërtuar në fillim të vjeshtës në një nga kryqëzimet e qytetit të Durrësit.
Brenda natës së kaluar, firma zbatuese e projektit për rivitalizimin e infrastrukturës rrugore në qytet e ka prishur rrethrrotullimin e ngritur pranë filialit të postës, në fillim të bulevardit “Dyrrah”.
Ndërtimi i tij ishte kthyer në një makth për drejtuesit e automjeteve për shkak të trafikut të rënduar dhe ngushtimit të korsive të kalimit në rrugë që shkaktoi, së bashku me zgjerimin e trotuareve. Në jo pak raste ky objekt i “artit rrugor” u kthye dhe në objekt konflikti verbal e fizik mes drejtuesve të makinave.
Problematika që shkaktoi e ktheu në jofunksional, ndaj dhe pavarësisht kostos ekonomike, rrethrrotullimi u prish duke rikthyer normalitetin në këtë kryqëzim mjaft të rëndësishëm rrugor që lidhet me kryqëzimin e madh të pallatit të sportit në Durrës dhe akse të tjera kryesore.
Burime nga ndërmarrja bashkiake Rruga bëjnë me dije se firma zbatuese e projektit do të rindërtojë një rrethrrotullim të ri brenda standardeve rrugore të BE-së dhe më funksional në qarkullim.
Bora dhe Heidi shumë shpejt me programe televizive, ja ku do...
Izraeli thotë se ka goditur qindra caqe në Liban
“Të kthehemi më të fortë”, Flick flet pas humbjes së Barcelo...
Të shtënat me armë në ahengje, MPB: Gjatë gushtit u konfisku...
Për një javë policia shqiptoi afro dy mijë gjoba trafiku në ...
Lajçak: Dy javët e fundit, fokusin e kisha në dialog