Google ADS

Durrës: I vihet flaka makinës së drejtoreshës së bashkisë

00:56 | 19 Prill 2017
Trina Galanxhi

Flakët e zjarrit kanë përfshirë një automjet në lagjen 13 të qytetit të Durrësit mbrëmjen e sotme. Pamjet ekskluzive të ardhura në redaksinë e JOQ.altregojnë një automjet të përfshirë nga zjarri, ndërsa qytetarët raportojnë se bëhet fjalë për makinën e Natasha Paços.

Automjeti tip Benz C Class ndodhej i parkuar poshtë pallatit ku jeton Paço me familjen e saj. Zjarrfikëses iu desh pak punë për të shuar zjarrin, për shkak të vështirësisë për të hyrë në zonë, por që fatmirësisht nuk pati pasoja.

Natasha Paço është Drejtoresha e Fondit të Detyrueshëm të Sigurimit Shëndetësor në bashkinë e Durrësit. Ajo nuk ka dalë nga banesa për të parë se çfarë ndodhi me automjetin, ndërsa pasi janë shuar flakët ka qenë bashkëshorti i saj ai që ka shkuar në vendngjarje.

Deri më tani nuk dihet nëse zjarri ishte i qëllimshëm apo rastësor.

Shpërndaje në rrjete sociale

Lajmet më të lexuara

Të ngjashme

Foto lajm