Presidenti i Shqipërisë, Bajram Begaj ka përkujtuar Ditën Ndërkombëtare të Holokaustit.
Begaj tha se reflektojnë mbi miliona njerëz që u persekutuan dhe u zhdukën në një prej periudhave më të errëta të njerëzimit.
Ndërsa shtoi se është krenar për vlerat e popullit shqiptar, i cili sipas tij kurrë nuk bëri kompromis as edhe me jetën e tij në mbrojtjen e kauzës së humanizmit.
“Në Ditën e Përkujtimit të Holokaustit, ne reflektojmë mbi miliona njerëz që u persekutuan dhe u zhdukën në një prej periudhave më të errëta të njerëzimit.
Krenar për vlerat e popullit shqiptar, i cili kurrë nuk bëri kompromis as edhe me jetën e tij në mbrojtjen e kauzës së humanizmit”, shkruan Begaj, raporton Arbresh.info
Presidenti shqiptar tha gjithashtu që le të shërbejnë historitë e tyre që të kundërshtojmë me vendosmëri urrejtjen.
”Le të na shërbejnë historitë e tyre që të kundërshtojmë me vendosmëri urrejtjen, diskriminimin dhe çdo padrejtësi tjetër në dëm të njerëzimit”, tha Begaj
Më 27 janar, në Ditën Ndërkombëtare Përkujtimore e Holokaustit shpallur nga Asambleja e Përgjithshme e Kombeve të Bashkuara në vitin 2005, përkujtohen viktimat e Holokaustit.
Kjo datë përkon me çlirimin të kampit nazist të përqendrimit Auschwitz-Birkenau më 27 janar 1945.
Një rol të rëndësishëm për të shpëtuar hebrenjtë, e kanë luajtur shqiptarët, të cilët në familjet e tyre kanë strehuar shumë hebre që kishin ikur nga vendet tjera, apo jetonin në Kosovë dhe Shqipëri./Arbresh.info
Kurti për raportet me aleatët: Me ta konsultohemi, por vendi...
Kurti refuzon t’i japë notë raportit me Ramën: Në kuptimin e...
Përzgjedhja e mjekut familjar – 1 mjek do të ketë deri 2 mij...
Aksidenti në Badovc, Gashi: Dy trupa u gjetën në ujë, një në...
Përmirësohet situata nga përmbytjet në Vlorë, vijon pastrimi...
Jasir Asani në top formë, shënon sërish për fitoren e skuadr...