Këshilli i Lartë i Drejtësisë në Shqipëri ka zhvilluar mbledhjen e parë nën drejtimin e Presidentit Ilir Meta.
Mes 7 pikave në rend dite, më e rëndësishmja ishte ajo për dhunën në familje, ku u diskutua një raport mbi ndjekjen e detyrave të gjykatave për lëshimin e urdhrave të mbrojtjes për viktimat e dhunës në familje.
Çështja u ngrit pas vrasjes së gjyqtares së Shkodrës, Fildez Hafizi, për të cilën KLD, me urdhër të Presidentit Ilir Meta ka nisur një procedurë verifikimi për vendimin e marrë më 28 prill 2016 nga Gjykata e Kavajës ndaj Fadil Kasemit, ish-bashkëshortit që e vrau atë në Tiranë javë më parë.
Ndërkohë, u diskutua edhe për ligjin e rivlerësimit kalimtar të prokurorëve dhe gjyqtarëve. Pas mbledhjes, Ilir Meta shprehu vullnetin e zbatimit të reformës në drejtësi, shkruan TCH.
“Vullneti për bashkëpunim, për të plotësuar të gjitha detyrimet që ka ky institucion deri në krijimin e institucioneve të reja kushtetuese është maksimal, në kuadër të përshpejtimit të zbatimit të reformës në drejtësi dhe sidomos të zbatimit të ligjit të vetting-ut, por njëkohësisht edhe në drejtim të përballimit të sfidave që ka funksionimi aktual i sistemit gjyqësor, i cili ka vështirësitë e veta drejt kalimit në një sistem plotësisht të ri”, tha Meta për gazetarët pas mbledhjes.
Murati u takua me Shefin e Misionit të FMN-së për Kosovën, k...
Kurti dënon fuqishëm sulmin në Ankara: Ta luftojmë bashkë te...
Shqipëria ngjitet dy vende në renditjen e FIFA-s për muajin ...
Hamza: Gratë duhet të përfshihen më shumë në tregun e punës,...
Lumbardh Salihu, fitues i “Big Brother”, bëhet pjesë e LDK-s...
Dhjetëra punëtorë protestojnë para zyrës së KEK-ut, kërkojnë...