Deputeti i Kuvendit të Shqipërisë: Heqja e vizave me Rusinë rrezikon sigurinë kombëtare

23:23 | 3 Maj 2022
A. B.

Deputeti i PD-së Kreshnik Çollaku thotë se liberalizimi i vizave me Rusinë vë në rrezik sigurinë kombëtare të Shqipërisë.

“Në një situatë sanksionesh të një lufte në zhvillim, kërcënimeve për përshkallëzim të luftës e kërcënimeve për të sulmuar vende të NATO-s, heqja e vizave nuk jep asnjë garanci se përmes këtyre turistëve mund të futen informatorë, e vrasës”, u shpreh ai në Euronews Albania.

Çollaku theksoi se nuk mund të hiqen vizat me një vend që “është në luftë me të gjithë botën demokratike”.

“Vizat hiqen me vendet që ka miqësi dhe siguri”, shtoi Çollaku.

Ai tha se duhet t’i plotësohet kërkesa presidentit Zelenksi për të mos i lejuar turistët rusë në Shqipëri, kërkesë kjo edhe e opozitës.

Më 25 mars, qeveria ka vendosur të heqë vizat për turistët rusë për periudhën 1 prill deri më 31 dhjetor.

Shpërndaje në rrjete sociale

Lajmet më të lexuara

Të ngjashme

Foto lajm