Google ADS

Dalin fotot e edukatores së dhunuar nga drejtoresha, me të nxira në trup dhe serume

18:10 | 12 Dhjetor 2017
Arbresh.info

Suzana Brahimllari, edukatorja që u dhunua sot nga drejtoresha e kopshtit edhe në prani të fëmijëve të vegjël ka përfunduar në spital për shkak të gjendjes shëndetësore të shkaktuar nga dhuna. Pasi shefi i urgjencës nuk i ka lejuar gazetarët të bisedojnë me edukatoren brenda ambienteve të spitalit, vetë edukatorja ka dalë jashtë.

Gazetarja Iris Rezhda ka komunikuar me edukatoren e cila i ka demonstruar edhe shenjat e dhunës në trup, ndërsa në dorë mban ende vigonin e serumit. “BalkanWeb” sjell fotot e edukatores, ku hematomat e shumta të shkaktuara nga sulmi janë të dukshme.

Mësuesja ka denoncuar në polici drejtoreshën Laureta Asllani, duke pohuar se u dhunua pas një pretendimi të saj. “Jam dhunuar nga drejtoresha e kopshtit pasi ajo pretendon se një prej prindërve është ankuar për sjelljen time. Ka ardhur duke më bërtitur dhe ndërsa unë e kam mohuar më ka dhunuar”, mësohet se ka thënë edukatorja në polici./balkanweb

 

Shpërndaje në rrjete sociale

Lajmet më të lexuara

Të ngjashme

Foto lajm