COVID-19/ Nuk kishin vendosur maskën, Policia gjobit 455 qytetarë në Shqipëri

15:54 | 22 Janar 2021
Arbresh.info

Policia e Shtetit ka njoftuar se në 24 orët e fundit janë ndëshkuar me gjobë 455 qytetarë të cilët nuk kishin vendosur maskë mbrojtëse.

Sipas autoriteteve, me gjobë janë ndëshkuar edhe 6 persona që u konstatuan duke lëvizur gjatë orarit të ndaluar të lëvizjes.

Gjatë kontrolleve janë shoqëruar në ambientet e Policisë në të gjithë vendin, 4 shtetas që nuk kanë pranuar t’i tregojnë punonjësve të Policisë dokumentin e identifikimit, të cilët pasi kanë paraqitur dokumentin e identifikimit, janë ndëshkuar me masën administrative 3.000 lekë dhe më pas janë lënë të lirë.

Ndërkaq, gjatë kontrolleve të ushtruara në subjekte të ndryshme, policia ka evidentuar 1 subjekt që ushtronte aktivitetin në kundërshtim me protokollet e sigurisë

Policia e Shtetit do të vijojnë punën për monitorimin e zbatimit të masave anticovid në të gjithë vendin./opinion.al

Shpërndaje në rrjete sociale

Lajmet më të lexuara

Të ngjashme

Foto lajm