Vazhdon braktisja e komisioneve nga anëtarët e PD-së. Ditën e sotme ata kanë braktisur mbledhjen e Komisionit të Ligjeve, pasi sipas tyre shteti po mbron mafian në kurriz të qytetareve.
Përfaqësuesi i PD, Gent Strazimiri duke iu referuar çështjes Tahiri tha se mazhoranca ka qenë e përgatitur ta mbrojë atë.
Ai u shpreh se Komisioni i Ligjeve është tempull për njerëzit e ndershëm dhe jo strehim për të kërkuarit e drejtësisë sipas tij me prova të antimafias italiane. Në mbledhje kanë qëndruar vetëm anëtarët e PS dhe ata të LSI. Kujtojmë se edhe një ditë më parë anëtarët e PD dhe të LSI braktisën mbledhjen e Konferencës së kryetarëve.
Debatet në Komision: Gent Strazimiri: Ju harroni që korridoreve të kuvendit sillet një i inkriminuar. Keni qenë të përgatitur ta mbronit. Këtu është tempull për njerëz te ndershëm dhe jo strehim për të kërkuarit e drejtësisë me prova të antimafias italiane. Ju po e mbroni mafian ne kurriz të shtetit. Ulsi, aty nuk je ulur për të mbrojtur kriminelët. Ulsi Manja: PD e beri ritualin. Këtu duhen njerëz te përgjegjshëm. Kryetar, portret krenar, ballehapur sic ju ka thënë partia… Bashkim Fino: Ishte me mirë Halimi dje. E uli nivelin Strazimiri. Ulsi Manja: Ule gishtin, ule…
Miratohet logoja e Kuvendit të Kosovës
Numri i refugjatëve në Gjermani arrin 3.5 milionë
Vdes një i burgosur në Spitalin e Gjilanit, SHKK jep detaje
Gërvalla udhëton në Kanada, merr pjesë në takimin e ministre...
Përmbytjet në Itali, evakuohen 1500 persona
Balluku në takimin e ministrave të Transportit në Budapest: ...