Ministri i Jashtëm i Shqipërisë, Ditmir Bushati përmes një statusi në Facebook ka mirëpritur rikonfirmimin e Këshillit Evropian për integrimin e vendeve të Ballkanit Perëndimor.
“Këshilli Europian rikonfirmon qartazi perspektivën europiane të rajonit tonë dhe thekson rëndësinë e përparimit në rrugën e reformave. Mirëpresim fokusin ndaj Ballkanit Perëndimor si një rajon jetik për BE-në dhe sigurinë kolektive dhe vëmendjen e përqendruar të shteteve anëtare, që evidenton vlerën e shtuar të rajonit për familjen europiane” shkruan Bushati.
Po sipas tij theksi vihet tek vazhdimi me vendosmëri i reformave, duke kërkuar nga opozita që të heqë dorë nga çadra e t’i hapet rruga jetësimit të një reforme thelbësore për demokracinë dhe shtetin e së drejtës.
“BE po e thotë çdo ditë troç se hapi i ardhshëm i Shqipërisë – hapja e negociatave – varet nga zbatimi i reformës së sistemit të drejtësisë, në veçanti zbatimi i procesit të vettingut. Është koha që të hiqet dorë nga loja me lufta nga çadra e t’i hapet rruga jetësimit të një reforme thelbësore për demokracinë dhe shtetin e së drejtës”, shkruan ndër të tjera Bushati, shkruan Top Channel.
Statusin e tij Bushati e mbyll me kërkesën për të krijuar sa më parë organet e vettingut, çka do të t’i jepte edhe një sinjal partnerëve për vullnetin për të vendosur sundimin e ligjit në vend.
“Krijimi i organeve të vettingut nga Kuvendi do t’i jepte një sinjal të qartë partnerëve tanë europiane mbi vullnetin tonë për të vendosur sundimin e ligjit në vend. Interesi kombëtar e bën edhe më urgjente këtë hap në këtë kohë të trazuar në rajon. #PunëJoBroçkulla”, shkruan Bushati.
Barella: Sot kundër një skuadre shumë të fortë dëshmuam se m...
Kurti: Të përkushtuar për të vërtetën dhe për drejtësi për t...
Shpërthimet në Liban, reagon kryeministri izraelit Netanyahu
Raportohet për një lëvizje të mundshme të Zhegrovës në të ar...
Biden pret të hënën homologun e Emirateve të Bashkuara Arabe...
Finlanda e mbron vendimin për të blerë armë izraelite