Bie sërish çmimi i naftës në Shqipëri

14:48 | 2 Shkurt 2023
A. B.

Bordi i Transparencës ka publikuar këtë të enjte vendimin e marrë në lidhje me tregtimin e karburanteve në Shqipëri.

Çmimi i shitjes me pakicë për naftën do të jetë jo më shumë se 197 lekë/litri [1.66 euro], me një ulje 4 lekë për litër nga çmimi i vendosur së fundmi nga Bordi i Transparencës.

Çmimi i shitjes me pakicë i benzinës do të jetë 189 lekë/litri, duke shënuar një ulje me 1 lek për litër.

Ndërkohë që çmimi i shitjes me pakicë i gazit do të jetë 69 lekë/litri, duke qëndruar në të njëjtat nivele.

Çmimi i gazoilit për peshkim është vendosur 103 lekë/litër, duke pësuar një ulje me 3 lekë për litër.

Bordi bën me dije se çmimet e reja do të hyjnë në fuqi në datë 2 shkurt, ora 18.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.

Shpërndaje në rrjete sociale

Lajmet më të lexuara

Të ngjashme

Foto lajm