Betohen para Presidentit Meta ministrat Xhacka dhe Peleshi

21:53 | 4 Janar 2021
L G

Pas votimit në senacën e jashtëzakonshme në Kuvend për ndryshimet në qeveri (4 janar), ministrja për Evropën dhe Punët e Jashtme Olta Xhaçka dhe ministri i Mbrojtjes, Niko Peleshi u betuan në institucionin e Presidentit të Republikës.

Pas ekzekutimit të himnit kombëtar, Ministrja Xhaçka dhe Ministri Peleshi u betuan me dorën mbi Kushtetutë para Kreut të Shtetit: “Betohem në nderin tim, se do të zbatoj me përpikëri Kushtetutën dhe ligjet, si dhe do të kryej me përgjegjësi detyrën shumë të rëndësishme që më është besuar, të anëtarit të Këshillit të Ministrave”.

Presidenca ka njoftuar se Presidenti Meta u dorëzoi dekretet përkatëse të emërimit Ministres Xhaçka dhe Ministrit Peleshi, duke u uruar suksese në detyrat e tyre të reja e të rëndësishme

Në ceremoninë e betimit ishin të pranishëm Sekretari i Përgjithshëm i kryeministrisë, z.Engjëll Agaçi si dhe anëtarë të Kabinetit të Presidentit./OraNews/

Shpërndaje në rrjete sociale

Lajmet më të lexuara

Të ngjashme

Foto lajm