Berisha: Ushtria shqiptare në kolaps të plotë

14:13 | 6 Qershor 2022
A. B.

Kreu i Partisë Demokratike, Sali Berisha i bën thirrje NATO-s të ndërmarrë një inspektim për vlerësimin e gjendjes, sipas tij tejet të rëndë të forcave të armatosura të një vendi anëtar të saj.

Në një postim në Facebook, Berisha shkruan se ushtria është në kolaps të plotë, gjysma e ushtarëve kanë dhënë dorëheqjen, helikopterët nuk ngrihen dot në ajër, ndërkohë që anijet e flotës nuk janë në gatishmëri.

Ai publikon denoncimin e një qytetari, ku thuhet se është oficerë i Ministrisë së Mbrojtjes.

Sipas postimit të Berishës, ushtarët dhe oficerët “punojnë pasdite si roje sigurie ose barmen apo kamerier në lokale, bare restorante sepse rrogat e tyre janë të ulëta dhe nuk përballojnë dot kërkesat familjare.”

Më tej qytetari shkruan se asnjë helikopter, përfshi dhe helikopterët CUGAR që janë blerë 10 vitet e fundit dhe kanë kushtuar mbi 100 milionë euro, nuk ngrihen qoftë dhe një minutë në ajër sepse janë jashtë gatishmërie./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm