Presidenti i Shqipërisë, Bajram Begaj mikpriti sot në një takim përfaqësues të “MÜSİAD Albania”, organizatë e sipërmarrësve të pavarur turq dhe shqiptarë në Shqipëri.
Gjatë takimit, Begaj theksoi se Turqia është një vend mik e aleat, si edhe partner mjaft i rëndësishëm ekonomik i Shqipërisë në fushën e investimeve dhe tregtisë, transmeton Arbresh.info.
Begaj përgëzoi sipërmarrësit për hapjen e degës së MÜSİAD në Tiranë, duke e vlerësuar atë si një shtysë për rritjen e tregtisë dhe investimeve të drejtpërdrejta në ekonominë shqiptare dhe si një nismë nga e cila përfitojnë edhe bizneset shqiptare që synojnë të investojnë në Turqi.
Kreu i shtetit shqiptar inkurajoi përfaqësuesit e “MÜSİAD Albania” të thellojnë bashkëpunimin për tërheqjen e investitorëve të huaj në Shqipëri, që po bëhet gjithnjë e më shumë tërheqëse për investimet vendase e të huaja.
“Forcimi i bashkëpunimit të investitorëve, sjell zhvillim të mëtejshëm e të qëndrueshëm, gjë që ndikon pozitivisht në cilësinë e jetës së qytetarëve shqiptarë”, tha Begaj./Arbresh.info
Komisioni Hetimor interviston zyrtarët e arsimit për subvenc...
Sot fillon xhiro e nëntë në Superligën e Kosovës – një takim...
Gjykata e posaçme dënon ish anëtarin e Kushtetueses Fatos Lu...
Horoskopi, çfarë parashikojnë yjet për ju
10 Vjet nga Procesi i Berlinit, sot diskutohet për arritjet ...
Joe Biden viziton sot Gjermaninë