Google ADS

Begaj pret në takim delegacionin e Landit të Stirias nga Austria

14:43 | 4 Tetor 2023
Arbresh

Presidenti i Shqipërisë, Bajram Begaj, priti sot një delegacion të Landit të Stirias, Austri kryesuar nga Guvernatori Christopher Drexler së bashku me Presidenten e Parlamentit të kёtij Landi, Manuela Khom.

Presidenti Begaj falenderoi Drexler për vëmendjen që Landi i Stirias i ka kushtuar Shqipërisë dhe Ballkanit Perëndimor si kontribues në procesin e integrimit në BE, nëpërmjet bashkëpunimit në fushat e arsimit, kërkimit shkencor, shëndetit publik dhe turizmit.

Presidentii Republikës vlerësoi veprimtarinë e organizatës joqeveritare humanitare “Partneriteti Shqipëri- Austri” e themeluar nga Dr.Marianne Graf dhe bashkëshorti i saj e që vepron në Shqipëri që nga viti 1992.

Në mënyrë të veçantë, Presidenti Begaj falenderoi Guvernatorin Drexler për pёrkushtimin e tij nё hartimin e programeve dhe bursave që ky Land ka me Shqipërinë që nga viti 2018 dhe inkurajoi vijimësinë e programeve të bashkëpunimit mё tё thelluar nё tё ardhmen./tvklan

Shpërndaje në rrjete sociale

Lajmet më të lexuara

Të ngjashme

Foto lajm