Kryetari i Partisë Demokratike, Sali Berisha foli sot për propozimin e Shqipërisë për një bazë të NATO-s në portin e ri të Durrësit në Porto Romano.
Në një komunikim me gazetarët jashtë dyerve të Kuvendit, Berisha e quajti mega-skandal projektin e portit të Durrësit.
Berisha u shpreh se dje në konferencën për shtyp me Jens Stoltenberg, Edi Rama nisi recitimin për Porto Romanin, por sipas kryedemokratit, Sekretari i Përgjithshëm i NATO-s bëri sikur nuk kishte dëgjuar asnjë fjalë.
“Jam këtu para jush për të përshëndetur përzemërsisht sekretarin e Përgjithshëm të Aleancës së Atlantikut të Veriut dhe për ta garantuar se Partia Demokratike ka qenë është dhe mbetet fuqimisht një forcë pro-atlantike e vërtetë. PD mbetet e vendosur për një bashkëpunim sa më të ngushtë me Aleancën dhe garantoj sërish se është e gatshme t’i ofrojë nesër në pushtet aleancës të gjitha lehtësirat aero-portuale e të tjera, që asaj i duhen për përmbushjen e misionit të madh”, ka thënë Berisha.
“E përshëndes faktin se nuk e përtypi mashtrimin e paskrupullt të Edi Ramës, i cili për të mbuluar mega-aferën e tmerrshme me Emaar të përvetësimit të 1 mijë m2 tokë në Durrës, kërkon ta bëjë këtë me angazhimin e NATO në Porto Romano. Ky propozim i Ramës është një mega-skandal që kërkon të përdorë reputacionin e jashtëzakonshëm që ka aleanca për qëllime të veta korruptive”, ka shtuar Berisha.
“Pata kënaqësinë e madhe të konstatoj se në konferencën e shtypi, ndonëse Rama nisi recitimin e tij me Porto Romanin dhe portin e madhërishëm që do të ndërtohej, sekretari i NATO bëri sikur nuk kishte dëgjuar asnjë fjalë nga bashkëbiseduesi dhe foli për kontributin e Shqipërisë, për rolin e saj, për Ballkanin dhe unë e përshëndes përzemërsisht. Nga ana tjetër, shtoj këtu se është guxim i madh të dalësh e të shëtisësh në një kohë kur ke damkën e një mega-korruptori, e një persekutori të fjalës së lirë, në një kohë kur bën gjithçka për të larë paratë e krimit dhe për të bërë vendin tënd simbol të drogës dhe krimit”, deklaroi Berisha.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...