Menjëherë pas komunikimit të zakonshëm javor, të kryeministrit Edi Rama, me shqiptarët, ka reaguar nga çadra e protestës edhe kreu i PD-së, Basha.
“Çdo të diel, në vetminë e tij, këndon monologu i bilbilit. Rama tha sot se të bësh zgjedhje fasadë, është patriotike, duke treguar se ai ka nevojë për ilaçe”, tha Basha.
Lideri i opozitës tha se Rama, duke qenë në orët e fundit në karrigën kryeministrore, po i fryn përçarjes së shqiptarëve.
“Të ndalësh demokracinë me krim dhe drogë nuk është aspak patriotike dhe të luftosh për zgjedhje të lira e të ndershme nuk është aspak anti-europiane. Anti-europian është vetëm projekti i Ramës për kapjen dhe shkatërrimin e zgjedhjeve”, tha Basha.
Në çadrën e protestës së opozitës, ka marrë pjesë sot edhe ish-kongresmeni amerikan Bob MvEwen, i cili përshëndeti protestën dhe tha se Shtetet e Bashkuara të Amerikës janë mjaft të shqetësuara për situatën politike në Shqipëri.
“Sot është koha për dialog dhe për të ushqyer besimin ndaj Shqipërisë së re. Çështja nuk është aq e ngatërruar, sepse ata që duan realisht Shqipërinë, janë të bashkuar. Personi që nuk i bashkohet këtij koalicioni, nuk e vlerëson demokracinë”, tha ish-kongresmeni amerikan.
Pse këto dy shenja të horoskopit janë gjithmonë në qendër të...
Përfshihet nga zjarri një banesë në Fier
Barça deklason Bayern, Atletico bie nga Lille, Inter fiton m...
Mbretëri e Bashkuar, vdekjet nga kokaina u rritën 30%
Mbrojtja Civile e Gazës thotë se tre punëtorë të saj u plago...
“Prishet miqësia”, përplasje e fortë mes Vullnetit dhe Gresë...