Google ADS

Basha: Braktisja e shqiptarëve në kufi, papërgjegjshmëri çnjerëzore

22:24 | 2 Prill 2020
Arditë Shkodra

Bllokimi i qytetarëve shqiptarë në pikat kufitare ka sjellë edhe reagimin e kryetarit të PD, Lulzim Basha.

Sipas liderit të opozitës, situata është dramatike dhe kërkon ndërhyrje urgjente, ndërsa shton se, braktisja e qytetarëve është papërgjegjshmëri çnjerërore.

“Situata e qytetarëve shqiptarë në pikat e kalimit të kufirit është dramatike dhe kërkon ndërhyrje urgjente. Qeveria të lejojë kthimin menjëherë në shtëpi të qytetarëve që prej 48 orësh mbahen peng në rrugë në pikat e kalimit të kufirit midis Shqipërisë dhe Greqisë e Malit të Zi. Braktisja e qytetarëve është papërgjegjshmëri çnjerërore. Asnjë shtet në botë nuk pengon qytetarët e vet të futen në atdheun e tyre dhe të shkojnë në shtëpinë e tyre”, shkruan Basha në një reagim në Twitter.

Ora News solli sot denoncimin me zë e figurë të dhjetëra qytetarëe shqiptarë të bllokuar në doganat e Kashticës, Kakavijës dhe Han të Hotit.

Shpërndaje në rrjete sociale

Lajmet më të lexuara

Të ngjashme

Foto lajm