Google ADS

Banka Europiane e Investimeve jep fonde për furnizimin me ujë në Tiranë

12:45 | 21 Dhjetor 2020
V. S.

Banka Europiane e Investimeve do të japë 80 milionë euro bashkisë Tiranë për transformimin e furnizimit me ujë të kryeqytetit.

Përmirësimi i bilancit falë menaxhimit të mirë dhe eliminimit të humbjeve, e ka kthyer bashkinë e Tiranës në një partner të besueshëm për institucionet financiare ndërkombëtare.

Pas BERZH, së fundmi, Banka Europiane për Investim i ka akorduar bashkisë së Tiranës 80 mln euro që do të përdoren për përmirësimin e furnizimit me ujë të pijshëm në kryeqytet.

Projekti do të kontribuojë në efikasitetin e burimeve natyrore duke siguruar një furnizim të vazhdueshëm dhe të sigurt me ujë në kryeqytetin e Shqipërisë duke zvogëluar edhe konsumin e energjisë.

Në faqen e saj, Banka Europiane e Investimeve thekson se falë këtij projekti të Bashkisë së Tiranës, do të ketë një ndikim pozitiv në rritjen ekonomike dhe në punësim gjatë fazës së realizimit të tij./TCH/

Shpërndaje në rrjete sociale

Lajmet më të lexuara

Të ngjashme

Foto lajm