Bananet me 2 tonë kokainë mbërrijnë në Gjermani, mes të arrestuarve dhe shqiptarë

22:25 | 28 Shtator 2024
R J

Binomi banane dhe kokainë, tashmë duket se është i pandarë. Një sasi e madhe më lëndë narkotike e fshehur në një ngarkesë me frutat ekzotike është sekuestruar së fundmi nga autoritetet gjermane.

Sasia prej 2 tonësh kokainë u zbulua gjatë kontrolleve në një kontejner në Rothenburgsort, shumë pranë portit të Hamburgut.

Autoritetet dyshuan për një ngarkesë të dyshimtë, kur shoferi i kamionit ku ndodhej droga, devijoi nga rruga për t’iu shmangur skanerit, raporton A2.

Gjatë kontrollit u zbulua sasia e madhe e kokainës, që mendohet se arrinte vlerën e 100 milionë eurove. 12 persona ranë në pranga mes të cilëve dhe shqiptarë, identiteti i të cilëve nuk bëhet me dije.

Policia tha se oficerët kishin marrë informacione nga vende të tjera evropiane dhe se kontrolli erdhi pas javësh të hetimeve të fshehta.

Shpërndaje në rrjete sociale

Lajmet më të lexuara

Të ngjashme

Foto lajm