Balla kërkon nga shoferët të mos e tejkalojnë shpejtësinë e lejuar në Rrugën e Kombit

20:24 | 26 Dhjetor 2023
E.H

Ministri i Brendshëm i Shqipërisë, Taulant Balla ka kërkuar nga drejtuesit e automjeteve që ti respektojnë rregullat e trafikut si dhe të mos e kalojnë shpejtësinë e normave të lejuara.

Në rrjetin social Facebook, Balla ka publikuar një video ku shihen automjetet të cilat lëvizin në 191 km/h, shpejtësia e të cilave është konsistuar nga mjetet inteligjente të Policisë së Shtetit, nga Levani deri në Rrugën e Kombit.

Sipas tij, kjo shpejtësi paraqet rrezik të madh për të gjithë përdoruesit e rrugës.

“KUJDES!!! Nxitimi dhe tejkalimi i shpejtësisë nuk ju ndihmojnë të arrini më shpejt. Shpejtësi tej normave të lejuara si në videon bashkangjitur prej 191 km/orë, të konstatuara nga mjetet inteligjente, nga Levani deri në Rrugën e Kombit, paraqesin rrezik të madh për të gjithë përdoruesit e rrugës. Respektoni rregullat e qarkullimit rrugor”, ka shkruar Balla./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm