Me automatik rrugëve të Peshkopisë, pranga 18-vjeçarit me “Benz”

01:17 | 12 Prill 2018
Trina Galanxhi

Dita e sotme ka qenë e “pafat” për një të ri nga Peshkopia, i cili ka rënë në prangat e policisë gjatë një kontrolli rutinë në rrugë.

18-vjeçari i është gjetur në automjetin tip “Benz” që drejtonte, një armë zjarri automatik. Sipas uniformave blu i riu lëvizte gjithmonë me armën me vete.

“U bë kapja dhe arrestimi në flagrancë i shtetasit Sadi. R, 18 vjeç, banues në Peshkopi. Arrestimi i tij u bë pasi gjatë kontrollit të ushtruar në automjetin tip “Benz”, në pjesën e bagazhit i janë gjetur dhe sekuestruar në cilësinë e provës materiale: 1 armë zjarri automatik dhe 190 fishekë”, thuhet në njoftimin e policisë.

Materialet proceduriale kaluan Prokurorisë Rrethit Gjyqësor Dibër për veprën penale “Mbajtje pa leje të armëve dhe municioneve luftarake”.

Shpërndaje në rrjete sociale

Lajmet më të lexuara

Të ngjashme

Foto lajm