Arritja e trupit të pajetë të Florenc Beqirajt në Rinas

14:19 | 28 Dhjetor 2017
Arbresh.info

Mesditën e sotme ka mbërritur në aeroportin e Rinasit trupi i pajetë i 23-vjeçarit shkodran Florenc Beqiraj.

Ai u masakrua pak ditë më parë në një burg në Marsejë të Francës ku më pas ra në koma. Por në spitalin ku po dergjej iu hoqën aparaturat që mbanin në jetë dhe djali u nda nga jeta.

Familjarët e të riut mes lotësh e kanë pritur në aeroportin e Rinasit që të marrin trupin e pajetë të djalit të tyre dhe nuk kanë dashur të thonë asnjë fjalë pasi dhimbja e tyre është e madhe.

Daja i Florencit është shprehur se trupi i të riut do të niset menjëherë drejt Shkodrës, në shtëpinë e tij pasi prej ditësh po e presin familjarët që të bëhet edhe ceremonia e varrimit.

Trupi i tij i pajetë u nis që dje nga Franca , ku udhëtoi drejt Gjermanisë dhe më pas me avion u nis drejt Shqipërisë./syri.net

Shpërndaje në rrjete sociale

Lajmet më të lexuara

Të ngjashme

Foto lajm