Arrestohet oficeri i policisë në Cërrik, ishte i përfshirë në shpërndarjen dhe shitjen e lëndëve narkotike

13:42 | 14 Shtator 2023
E.K

Një oficer i Patrullës së Përgjithshme në Komisariatin e Policisë Cërrik është arrestuar, pasi ishte i implikuar në aktivitetin kriminal në formën e shpërndarjes dhe shitjes së lëndëve narkotike.

Saimir Hysa, 44-vjeç, favorizonte shtetas të ndryshëm në këtë aktivitet, gjithashtu, fshehte personat në kërkim, shitjen e armëve dhe municioneve luftarake kundrejt përfitimeve në lekë, në kundërshtim me përmbushjen e rregullt të detyrës.

Ai është i dyshuar se ka konsumuar veprat penale “Shpërdorimi i detyrës”, “Korrupsioni pasiv i personave që ushtrojnë funksione publike”, “Mbajtja pa leje dhe prodhimi i armëve, armëve shpërthyese dhe i municionit” dhe “Prodhimi dhe shitja e narkotikëve”.

Ndërkaq, u shpall një kërkim një 44-vjeçar, i cili ishte bashkëpunëtor në këtë aktivitet kriminal me punonjësin e policisë, i dyshuar për kryerjen e veprës penale “Prodhimi dhe shitja e narkotikëve”./abcnews.al/

Shpërndaje në rrjete sociale

Lajmet më të lexuara

Të ngjashme

Foto lajm