Google ADS

Arrestohet çifti shqiptar në Itali, transportonin drogë me vlerë 1.7 milionë euro

16:08 | 4 Mars 2017
Arbresh.info

Policia italiane ka bërë më dije se ka vënë në pranga një çift shqiptar pasi merreshin me transportimin e lëndëve narkotike.

Mediat italiane shkruajnë se çiftit iu kap plot 174 kg marijuanë dhe droga ishte e fshehur në një furgon pasagjerësh.

Vlera e saj mund të shkojë në 1 milion e 700 mijë euro nëse hidhej në treg. 31-vjeçari shqiptar, ideniteti i të cilit nuk bëhet i ditur, u ndalua nga policia në dalje të rrugës për në Pescara, raporton albeu.com

Ndërkohë, gjatë kontrollit të ushtruar në banesën e çiftit, agjentët e skuadrës së Pescara-s gjetën dhe 4 kg marijuanë, ndërsa pas hekurave përfundoi dhe gruaja e shqiptarit.

“Ky aksion është pjesë e punës së vazhdueshme të kontrollit të territorit”, -tha në një konferencë për shtyp shefi i policisë së Pescara-s. Sakaq, hetimet vijojnë për zbardhjen e plotë të kësaj veprimtarie kriminale.

Shpërndaje në rrjete sociale

Lajmet më të lexuara

Të ngjashme

Foto lajm