Google ADS

Arrestohen 3 shqiptarë në Itali, pjesë e një grupi për trafik droge

17:47 | 19 Tetor 2023
E.K

3 shqiptarë janë arrestuar nga autoritetet italiane pjesë e një grupi kriminal për trafikimin e lëndëve narkotike.

Emirjan Beu, Syrjan Tola dhe Dorian Beu janë lokalizuar dhe vën në pranga në Milano, teksa ishin të shpallur në kërkim ndërkombëtar që prej vitit 2017 ku policia italiane goditi grupin kriminal.

Gjykata e Posaçme kundër Korrupsionit dhe Krimit të Organizuar ka vën në sekuestro preventive pasuri me vlerë mbi 1 milion euro të cilat dyshohet se rrjedhin nga veprimtaria kriminale e 3 trafikantëve dhe familjarëve të tyre.

Pasuritë e sekuestruara në Durrës janë 2 shoqëri tregtare me objekt fushën e peshkimit, së bashku me asetet e tyre, aktivitetet tregtare të 3 subjekteve fizike, së bashku me asetet e tyre, 1 anije peshkimi, 1 apartament, 1 garazh, 1 njësi shërbimi bar-kafene dhe 3 njësi të tjera shërbimi të ndryshme.

Ky operacionit u finalizua si rezultat i shkëmbimit intensiv të informacioneve të Policisë së Shtetit me Policinë italiane./euronews

Shpërndaje në rrjete sociale

Lajmet më të lexuara

Të ngjashme

Foto lajm