Mbrëmjen e djeshme është arrestuar ish-shefi i policisë në Dhërmi Sokol Bode. Ai akuzohet si pjesëtar i grupit të Habilajve.
Burime për Ora News bëjnë me dije se ai kishte ardhur vetëm 4 ditë më parë nga Anglia dhe ishte fshehur në banesen e tij në lagjen “Uznovë e Madhe” në Berat.
Gjatë operacionit policor, ai u gjet i shtrirë në divanin e shtëpisë se tij, teksa në momentin e arrestimit ka kërkuar vetëm 2 minuta kohë të ndahej me prindërit dhe të vëllanë me aftësi të kufizuara.
Në operacion morën pjesë forcat e DVP Berat dhe ato Shqiponja, i finalizuar rreth orës 21:25 të mbrëmjes së 11 gushtit.
Gjatë mësymjes së policisë në banesë nëna e të arrestuarit është ndjerë keq, ndërsa ky i fundit nuk ka bërë rezistencë, madje e ka qetësuar të ëmën duke i thënë “Qetësohu se kjo dihej”.
Ai është shoqëruar në ambjentet e DVP Berat, për veprime të tjera proçeduriale ,ndërkohë që mësohet se do të transferohet drejt Tiranës.
Sokol Bode u akuzua nga ish-Prokuroria e Krimeve të Rënda dhe më pas nga SPAK si i përfshirë në trafikun e drogës së bashku me grupin e Habilajve.
Në Prill 2022 ish-shefi i Policisë së Dhërmiut Bode, u dënua me 8 vite burg nga GJKKO për përfshirje në trafikun e marijuanës të kryer nga organizata kriminale e drejtuar nga vëllezërit Habilaj.
Bryan Mbuemo futbollisti që po shkëlqen me Brentfordin në Pr...
SHBA miraton shitjen e armëve prej 2 miliardë dollarësh për ...
Rama me shqiptarët në SHBA: Pranverën e ardhshme dua votën t...
Rama me komunitetin shqiptar në Amerikë: Garantuam votën e s...
Kryeministri Rama takon shqiptarët në New York
Vendos goli i Haaland, City merr tri pikë të reja në Premier...