Arabia Saudite i ofron mbështetje Shqipërisë në fushën e sigurisë kibernetike dhe luftës kundër krimit të organizuar

12:21 | 21 Shkurt 2023
A. B.

Ministri i Brendshëm i Shqipërisë, Bledi Çuçi, ndodhet në Arabinë Saudite për një vizitë zyrtare.

Gjatë qëndrimit në Riad, ministri shqiptar është pritur nga homologu i tij, Princi Abdulaziz bin Saud bin Nayef bin Abdulaziz, me të cilin ka nënshkruar marrëveshjen e parë mes dy vendeve në fushën e sigurisë.

“Kjo marrëveshje mundëson një bashkëpunim më të drejtpërdrejtë në luftën kundër krimit të organizuar, luftën kundër krimit kibernetik, terrorizmit dhe të gjitha formave të tjera të paligjshmërisë që destabilizojnë sigurinë në rajonet përkatëse”, shkruan ministri në rrjetet sociale.

“Gjithashtu marrëveshja kontribuon në rritjen e mëtejshme të bashkëpunimit dypalësh në zhvillimin e kapaciteteve të Policisë së Shtetit për përballjen me krimin transnacional. Duke punuar së bashku ndërtojmë një ekosistem të sigurt dhe të qëndrueshëm për të garantuar prosperitetin e vendeve tona”, u shpreh ministri Çuçi. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm