Ambasadori i Kosovës në Tiranë: Politika të heqë pengesat mes dy vendeve

18:24 | 24 Shkurt 2020
Arbresh.info

Ambasadori i ri i Kosovës në Tiranë, Nait Hasani, u shpreh në A2 se ka shumë marrëveshje ekzistuese, por më shumë nevojë për nisma konkrete dhe zbatim në praktikë mes dy vendeve.

“Kemi nevojë të jemi shumë afër me njëri tjetrin, të jemi një. Përpjekjet janë në vazhdimësi. Janë nënshkruar disa marrëveshje, por ka pasur edhe neglizhenca. Të mos kemi barriera me njëri-tjetrin”, tha Hasani.

Ambasadori i ri i Kosovës në Tiranë u shpreh se punën e kam nisur me tërmetin e nëntorit dhe kjo ka qenë një sfidë, por ai thekson se tërmeti krijoi edhe mundësinë e bashkimit. “Shqiptarët në Kosovë i hapën dyert e tyre për të prekurit nga tërmeti. Ne jemi shqiptarë dhe kemi një gjuhë, një traditë. Tani, politika duhet të na afrojë dhe duhet të heqë pengesat”, u shpreh Nait Hasani.

Teksa u pyet për Mini Shengenin, ai tha se ne kemi nevojë që brenda shqiptarëve të ketë lehtësira.

Shpërndaje në rrjete sociale

Lajmet më të lexuara

Të ngjashme

Foto lajm