Google ADS

Aksidentohet në Rumani diplomati shqiptar i Interpolit, vdes me bashkëshorten

23:14 | 22 Maj 2019
Trina Galanxhi

Zyrtari shqiptar Ervin Dervina, oficer i Kontaktit të Shqipërisë pranë Qendrës për Forcimin e Ligjit në Evropën Juglindore (SELEC), si dhe bashkëshortja e tij, shtetase rumune, humbën jetën sot në një aksident tragjik.

Mediat rumune kanë publikuar foto dhe detaje të aksidentit në krahinën Mureş në rrugën kombëtare 15, ndërmjet Brnukovenës dhe Susenit. Aksidenti ka ndodhur rreth orës 15.00 dhe sipas mediave vendase nga aksidenti fatal humbën jetën 2 persona dhe 4 të tjerë janë plagosur. Dervina ka qenë në një automjet tip Opel me targa diplomatike bashkë me bashkëshorten.

Në rrethana ende të panjohura një kamion dhe 2 automjete janë përplasur, raporton Lapsi. Kamioni është përmbysur ndërsa automjetet kanë dalë nga rruga. Në vendin e ngjarjes kanë shkuar policia, mjetet zjarrfikëse dhe një helikopter për të nxjerrë viktimat dhe të plagosurit që kishin mbetur të bllokuar.

Shpërndaje në rrjete sociale

Lajmet më të lexuara

Të ngjashme

Foto lajm