Aksident në Kamëz, makina përplas për vdekje këmbësoren 46-vjeçare

20:07 | 16 Qershor 2024
E.G

Një person ka humbur jetën dhe një tjetër ka mbetur i plagosur në Kamëz këtë të diel (16 qershor), si pasojë e një aksidenti.

Policia bën me dije se aksidenti u regjistrua në rrugën “Nënë Tereza” ku shtetasi me inicialet B. K., duke drejtuar automjetin dyshohet se ka humbur kontrollin dhe është përplasur me automjetin me drejtues shtetasin me inicialet E. K., dhe më pas me shtetaset F. M., 46 vjeçe, dhe Xh. M., 20 vjeçe, këmbësore.

Fatkeqësisht, 46-vjeçarja nuk ka mundur t’i mbijetojë plagëve të marra dhe ka ndërruar jetë në spital, ndërsa shtetasja Xh. M., ndodhet nën kujdesin e mjekëve.

Grupi hetimor po punon për sqarimin e rrethanave të aksidentit.

/rtsh.al/

Shpërndaje në rrjete sociale

Lajmet më të lexuara

Të ngjashme

Foto lajm