Aksident i rëndë në Shkodër, përplasen dy motoçikleta

09:43 | 9 Nëntor 2017
Arbresh.info

Një aksident i rëndë ka ndodhur mëngjesin e sotëm në Shkodër, ku si pasojë ka mbetur i plagosur rëndë një 67-vjeçar.

Sipas burimeve të policisë, rreth orës 07:30, ka mbërritur një telefonatë në sallën operative ku njoftohej se dy motoçikleta janë përplasur në aksin rrugor Kryebushat-Vau Dejës, në vendin e quajtur Stajka.

Si pasojë e aksidentit janë dëmtuar dy drejtuesit e mjeteve, shtetasi K. P., vjeç 27, i dëmtuar lehtë, jashtë rreziku për jetën si dhe shtetasi Z. G., vjeç 67, i cili është në gjendje të rëndë shëndetësore.

Të dy këta shtetas janë dërguar në Spitalin Rajonal Shkodër për ndihmë mjekësore, ndërkohë po punohet me grup hetimor për sqarimin rrethanave të aksidentit.

Shpërndaje në rrjete sociale

Lajmet më të lexuara

Të ngjashme

Foto lajm