73 vjet NATO| Xhaçka: Krenarë që Shqipëria është anëtare e besueshme e Aleancës

09:41 | 4 Prill 2022
S D

Sot janë bërë 73 vjet nga themelimi i NATO-s, aleancës më të madhe politiko-ushtarake të të gjitha kohërave.

Në një reagim në rrjete sociale, Ministrja e Jashtme e Shqipërisë, Olta Xhaçka, ka shkruar se “sot njësoj si 73 vjet më parë, është sërish NATO që garanton sigurinë kolektive të hapësirës Euro-Atlantike dhe të botës demokratike”.

“NATO është sot më relevante se kurrë, anëtarët e saj më të bashkuar se kurrë përballë sfidave e kërcënimeve të sigurisë, si ato që vijnë nga agresioni i paligjshëm rus në Ukrainë”, u shpreh ministrja.

“Krenarë që Shqipëria është anëtare e NATO-s. Por mbi të gjitha, jemi krenarë që Shqipëria është anëtare e besueshme e Aleancës që jep një kontribut që shkon përtej kontributit që supozohet të japë një vend i përmasave të Shqipërisë, qoftë në misionet e NATO, qoftë për garantimin e stabilitetit e sigurisë rajonale”, shkroi tutje Xhaçka në Twitter./arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm