Google ADS

6 orë protestë para Ministrisë së Arsimit. Studentët nuk tërhiqen

21:39 | 7 Dhjetor 2018
Arbresh.info

Ka përfunduar pas pothuajse 6 orësh protesta e studentëve për ditën e sotme. Ata i kanë dhënë përgjigje negative kërkesës së kryeministrit Edi Rama dhe ministres së Arsimit, Lindita Nikolla për t’u ulur për negociata. Ata do të protestojnë sërish ditën e nesërme dhe më pas do të ketë një tryezë të hapur në Qytetin Studenti, duke respektuar kështu edhe Ditën e Rinisë.

Që prej orës 10:00, studentët e fakulteteve të Tiranës, të ardhur edhe nga Elbasani dhe Durrësi kanë qëndruar para Ministrisë së Arsimit duke kërkuar realizimin e kërkesave të cilat sot, përveç përgjysmimit të tarifës vjetore të studimit, shtuan edhe kartën e studentit.

Rreth orës 15:00 ka pasur një përgjigje të ministres Nikolla ndaj kërkesave të studentëve, ku plotësoheshin disa prej tyre, siç ishte përgjysmimi i tarifës vjetore, duke kërkuar një përfaqësi studentësh të ulej në negociata apo edhe pajijsa me kartën e e studentit brenda vitit akademik 2018-2019, por sërish studentët nuk kanë pranuar.

Protesta e studentëve është mbështetur edhe nga pedagogë të tyre.

Sindikata e Punonjësve të Universitetit, duke mbështetur protestën e studentëve dhe kërkesat e tyre, kërkon rritje të pagave dhe rishikim të ngarkesës së pedagogëve duke paralajmëruar grevë 1-orëshe dhe përshkallëzim të saj nëse nuk do të ketë përgjigje nga Ministria e Arsimit.

Shpërndaje në rrjete sociale

Lajmet më të lexuara

Të ngjashme

Foto lajm