Të shtunën e 4 nëntorit, kryeministri i Shqipërsië, Edi Rama do të mbledhë Kongresin e Jashtëzakonshëm të Partisë Socialiste.
Sipas udhëzimeve të selisë rozë delegatët në orën 11:00 do të duhet të jenë tek Pallati i Kongreseve për të zyrtarizuar vendimet e Asamblesë në fillimi të sezonit të ri politik.
Më 4 shtator kryesocialisti prezantoi ndryshimet në sekretariatin ekzekutiv të partisë që drejton, me në krye Sekretarin e Përgjithshëm që mbahej nga Damian Gjiknuri.
Emrat e rinj me në krye zëvendësuesin e Gjiknurit, Blendi Klosi, që më herët mbante detyrën e sekretarit organizativ do të votëbesohen për të nisur punën në postet drejtuese në parti.
Gjithashtu numri dy i partisë, Blendi Klosi do të prezantojë para delegatëve platformën e tij për forcimin dhe organizimin e mazhorancës socialiste, si një parapërgatitje për vitin zgjedhor.
Organi më i lartë vendimmarrës i PS do të mblidhet sërish në fillim të verës së vitit të ardhshëm, i cili përpos piketave për zgjedhjet parlamentare të 2025 do të jetë një Kongres Zgjedhor, ku në mes të socialistëve do të ketë sërish ndryshime, pasi forumet e kësaj force politike do t’i nënshtrohen votës së delegatëve./a2cnn
Zyrtari i një banke në Prishtinë raporton se klienti deponoi...
Zhduket një e mitur në Suharekë
Mbi 2 mijë e 432 tiketa trafiku të shqiptuara brenda 24 orëv...
Sot shënohet Dita Ndërkombëtare e të Gjuhës së Shenjave
Si është të jesh shqiptar në Serbi?
Osmani ndan fotografi krahë presidentit amerikan: Aleancë që...