159 raste të reja me Covid-19, vdes një i moshuar nga Tirana

16:32 | 2 Tetor 2020
A. B.

Numri i testimeve në 24 orët e fundit në Shqipëri ishte i lartë. Ministria e Shëndetësisë njoftoi se janë testuar 1.085 qytetarë, nga të cilët 159 kanë rezultuar pozitivë.

“Rastet pozitive të konfirmuara në 24 orët e fundit janë identifikuar në këto bashki: 87 raste në Tiranë, 11 në Elbasan, 9 në Fier, 7 në Berat, 5 në Durrës, nga 4 raste në Korçë, Gjirokastër, nga 3 raste në Krujë, Lezhë, Vlorë, Dibër, Kuçovë, nga 2 raste në Shkodër, Klos, Gramsh, nga 1 rast në Lushnjë, Mirditë, Kamëz, Pogradec, Sarandë, Delvinë, Divjakë, Fushë-Arrëz, Memaliaj, Vorë, Cerrik.”

Këtë të premte u raportua edhe për një viktimë, një 75-vjeçar nga Tirana. Gjithashtu, në orët e fundit u shëruan 265 qytetarë.

Por situata në spitale paraqitet e rënduar. Atje marrin trajtim 202 pacientë, nga të cilët 23 në terapi intensive dhe shtatë të intubuar.

Gjithsej, në Shqipëri numërohen të infektuar 13.965 persona, 389 të vdekur hde 6.342 të shëruar.

Shpërndaje në rrjete sociale

Lajmet më të lexuara

Të ngjashme

Foto lajm