Google ADS

148 kilogramë kokainë të fshehur në banane, arrestohen tre shqiptarë në Itali

22:09 | 12 Gusht 2024
E.H

Policia italiane ka sekuestruar një ngarkesë prej 148 kilogramësh lënde narkotike të llojit kokainë, e cila u gjet e fshehur në një kontejner të mbushur me banane në portin e Livornos.

Lënda narkotike mendohet se vinte nga porti i Guayaquil në Ekuador, teksa destinacioni final i saj ishte Zvicra.

Për këtë sasi të madhe droge, me vlerë qindra mijëra euro, policia arrestoi 3 shtetas shqiptarë, që kishin hyrë në port dhe po hapnin kontejnerin për të tërhequr kokainën.

Skaneri kishte zbuluar pakot e paligjshme mes frutave ekzotike dhe efektivët e policisë qëndruan në gatishmëri, derisa korrierët ndërhynë mes kutive për ta marrë.

Ky është sekuestrimi më i madh i kokainës në vitet e fundit në portin e Livornos, i cili shërben si tranzit nga trafikantët për ta shpërndarë drogën në qytetet e mëdha të Italisë./a2cnn

Shpërndaje në rrjete sociale

Lajmet më të lexuara

Të ngjashme

Foto lajm