12 vatra zjarri janë ende aktive në Shqipëri, ministria e Mbrojtjes jep detaje

19:47 | 3 Gusht 2024
E.H

Ministria e Mbrojtjes e Shqipërisë, bënë të ditur se po punohet për shuarjen e 12 vatrave të zjarrit, të cilat janë ende akive, ndërsa 14 vatra të tjera të raportuara gjatë ditës së shtunë janë shuar.

Në njoftim thuhet se aktualisht po monitorohet vatra e zjarrit në fshatin Skuraj, ku pati riaktivizim, ndërkaq, vijon puna për shuarjen e zjarrit të rënë në Malin e Kakarriqit, bashkia Lezhë, përcjell Arbresh.info

Po ashtu, është vënë nën kontroll dhe po punohet për izolimin e plotë të vatrës në Malin e Lopçit, Shkodër.

Në operacionet për shuarjen e zjarreve janë aktivizuar 450 forca dhe 33 mjete. Në mbështetje të këtyre forcave janë të angazhuar 130 trupa nga Forcat e Armatosura./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm