Autoritetet hetuese kolumbiane raportuan se si rezultat i një operacioni në bashkëpunim me SHBA dhe Paraguajin për zbardhjen e vrasjes së prokurorit paraguaian Marcelo Pecci javën e kaluar kanë rënë në pranga 17 persona.
Ata janë nga 9 shtete të ndryshme dhe akuzohen për trafik droge, pastrim parash dhe krime të tjera. 12 nga të arrestuarit janë kolumbianë, 2 venezuelianë, 1 italian, 1 dominikan, 1 holandez dhe 1 shqiptar. Sipas medieve kolumbiane shqiptari i ndaluar është identifikuar si Klinton Dega.
Këta persona dyshoheshin se koordinonin dërgimin e kokainës në disa shtete përmes anijeve të mallrave, të fshehura në ngarkesa ushqimesh, pajisje farmacie, materiale ndërtimi e të tjera. Ata po hetoheshin edhe për zhvatje dhe kundërvajtje të tjera.
Autoritetet kolumbiane tregojnë se një nga të kapurit është Diego Mauricio Blanco, piloti i “Clan Rocha”, e konsideruar si një nga organizatat më të mëdha të trafikut të kokainës në Brazil, e lidhur me grupin kriminal brazilian First Capital Command, aktivitetet e të cilit në Paraguaj ishin hetuar nga prokurori Pecci./lapsi/
Lideri suprem i Iranit thotë se Hamasi do të mbijetojë, pava...
“Tronditet” Serbia: “Hakohet” një billbord në Valevë – shqip...
Një ditë para Maratonës, Veliaj: Tirana të jetë një kartolin...
Franca premton mbështetje për planin e Ukrainës për t’i dhën...
Haradinaj takohet me diasporën shqiptare në Çikago: Secili p...
Pak kohë pas pensionimit nga futbolli, Varane merr një punë ...