​Macron pret nesër Ramën, takimi me ftesë të presidentit të Francës

21:45 | 21 Mars 2021
A. B.

Kryeministri Edi Rama pritet të udhëtojë të hënën drejt Francës ku parashikohet të takohet me presidentin Emmanuel Macron.

Lajmi është konfirmuar nga vetë presidenca franceze e cila në web-faqen zyrtare ka parashikuar në axhendë për datën 22 mars një drekë në orën 13:20.

Nuk është e qartë se për çfarë do të diskutohet, por ky takim vjen një javë përpara nisjes zyrtarisht të fushatës elektorale për zgjedhjet e 25 prillit, ku Rama synon të zgjidhet për herë të tretë kryeministër.

Rama ka zhvilluar edhe më parë takime me Macron. Në maj të vitit 2018 ai u prit në një takim zyrtar në pallatin presidencial, për të diskutuar konkretisht në lidhje me procesin e integrimit dhe qëndrimit që kishte shfaqur kreu i shtetit francez rreth metodologjisë së anëtarësimit në BE.

Shpërndaje në rrjete sociale

Lajmet më të lexuara

Të ngjashme

Foto lajm