Ministrja e Financave dhe Ekonomisë në Qeverinë e Shqipërisë, Anila Denaj bëri të ditur sot se Shqipëria do ti rikthehet rritjes ekonomike vitin që vjen.
Gjatë një interviste në medie, Denaj tha se tërmeti i 26 nëntorit të vitit që lamë pas, por edhe COVID-19 goditën ekonominë, por ajo pritet ti rikthehet rritjes ekonomike vitin që vjen. Sipas saj rritja ekonomike në 2021 parashikohet 5.9% ndërsa në periudhën afatmesme kjo rritje parashikohet rreth 4%.
Për shkak të situatës së krijuar prej COVID-19, Denaj tha se buxheti do të jetë nën monitorim çdo 6 muaj.
Denaj foli edhe për amnistinë fiskale, e cila sipas saj, parimisht është miratuar nga komisionet parlamentare të Kuvendit, ndërsa bëri të ditur se grupet e punës do të vijojnë punën për të reflektuar edhe kërkesat e komunitetit të biznesit para diskutimit nen për nen.
Ndërkohë ministrja theksoi se edhe vendimi për heqjen e tatimfitimit deri në nivelin e xhiros prej 14 milionë lekë në vit edhe rritja e pragut të TVSH-së deri në 10 milionë lekë, janë nisma për të mbështetur biznesin e vogël dhe të mesëm në kushtet e situatës së krijuar prej COVID-19.
Juventusi mbetet pa sulmuesin, Milik sërish në operim
Osmani takoi ministrin gjerman të Bujqësisë, flasin për bash...
Delegacioni kosovarë diskuton për anëtarësimin në KiE me kon...
Të shtëna me armë zjarri në Vushtrri, shoqërohen në polici s...
Konjufca shpreh shqetësimin për hyrjen e pakontrolluar të ma...
Konjufca priti në takim deputetin gjerman, Peter Beyer, disk...