Në një seancë të zgjatur për shkak të divorcit mes aktorëve Johnny Depp dhe Amber Heard, shumë “sekrete” janë hapur për publikun.

Aktori paditi ish-bashkëshorten e tij për shpifje për shkak të një artikulli të vitit 2018 që ajo shkroi për Washington Post. Në të, ajo shkroi për abuzimin e dyshuar në familje. Nga ana tjetër, Heard ka paditur Depp-in dhe i kërkon 100 milionë dollarë, duke thënë se e ka nënçmuar kur e ka akuzuar dhe se ka gënjyer, transmeton portal arbresh.info

Pas dëshmive të njerëzve nga rrethi i tyre, aktori ka prezantuar ditën e djeshme para gjykatës anën e tij të historisë kur bëhet fjalë për marrëdhënien e tij të trazuar me Amber Heard, si dhe foli edhe për edukimin e tij, duke thënë se nëna e tij Betty Su Palmer, e cila u nda nga jeta në vitin 2016, ka abuzuar rregullisht me të.

Megjithatë, ai pohon se ka shumë nga prindërit e tij, veçanërisht për rritjen e fëmijëve.

“E dija saktësisht se si t’i rrisja fëmijët kur e dashura ime Vanessa Paradis mbeti shtatzënë. Dija saktësisht se si t’i rrisja fëmijët, gjë që ishte krejtësisht e kundërta e asaj që bënin prindërit e mi. Asnjëherë mos ngrini zërin para fëmijëve tuaj, kurrë”, tha Depp.

Ai përmendi edhe abuzimin verbal, sharjet dhe ngacmimet që ka përjetuar nga nëna e tij, të cilën e ka cilësuar si shumë të paparashikueshme.

“Ajo përdori çdo mundësi për të qenë aq mizore me mua sa mund të ishte”, tha aktori.

Ai qeshi kur kujtoi se njëherë ajo e kishte goditur me tavëll në kokë, apo me “çfarëdo që t’i vinte në dorë”.

“Ne kurrë nuk kemi pasur asnjë lloj sigurie apo mbrojtjeje në shtëpinë tonë, e vetmja gjë që duhej të bënim ishte të qëndronim larg saj. Nëse ajo inatosej, ajo do t’i shtrinte dorën dikujt dhe më shpesh do të isha unë. Vazhdimisht ishim në prani të dhunës fizike. Ishim të gjithë pak të tronditur”, kujton Depp, i cili tha se nëna trajtonte keq edhe vëllezërit dhe motrat e tij.

“Abuzimi psikologjik ishte pothuajse më i keq se rrahja. Rrahja është vetëm dhimbje fizike dhe mësoni ta përballoni atë, pranojeni. Por abuzimi psikologjik dhe emocional është ajo që na shkatërroi,” pranoi ai.

Ai tha për babanë e tij, John Christopher Depp, se ai ishte një burrë i sjellshëm, stoik që nuk e humbi kurrë durimin dhe nuk e sulmoi Betty Sue, deri në një ditë kur Depp ishte 15 vjeç, kur ai u largua dhe nuk u kthye më.

“Nuk e kuptova kur babai u largua. Një mëngjes iku në punë, morri gjërat e tij dhe nuk u kthye më. Ajo hyri në shtëpi, ndaloi, shikoi përreth dhe na tha “babai juaj është larguar”.

“Më pas ajo vrapoi në dhomën e tyre të gjumit, shikoi në dollap, hapi derën dhe pa që rrobat dhe gjërat që nuk ishin aty. U mërzit. Mora makinën e saj dhe shkova në biznesin e babait. Unë isha 15 vjeç dhe dola para tij dhe i thashë që dikush ka vjedhur rrobat e tij”, tha Depp.

Pas largimit të babait, nëna e tij vuajti nga depresioni i rëndë.

“Një pasdite më zuri gjumi dhe kur u zgjova, hyra në dhomën e ndenjjes dhe pashë nënën time duke u zvarritur pothuajse ngadalë. E dija se diçka nuk shkonte. Ajo kishte gëlltitur shumë pilula dhe tentoi të vetëvritej”, tha ai.

“Ajo ishte një grua shumë e fortë, por kur doli nga ai spital, vuajti nga një depresion aq i thellë, saqë jetonte në divan dhe vetëm flinte. Ato imazhe po rrotulloheshin në kokën time”, tha aktori i njohur.

Depp akuzohet nga ish-gruaja e tij për azbuzim fizik, gjë të cilën Johnny Depp e ka mohuar gjithmonë./arbresh.info/