Georgina Rodriguez ka treguar në dokumentarin e saj ‘Soy Georgina’ historinë e dashurisë me Cristiano Ronaldo, një histori që nisi teksa ajo punonte tek dyqani i Gucci.

Sipas Georginës, ajo dhe ish-lojtari i Real Madridit janë takuar kur ajo ishte nëpunëse shitjesh në dyqanin Gucci në kryeqytetin spanjoll.

Modelja pohon se ishte një rast dashurie me shikim të parë.

Por ish-kolegu i saj, Pablo Bone pohon se historia nuk është aq autentike sa mund të duket.

Ai tregon një version të kundërt të ngjarjeve në takimin e parë të çiftit, shkruan e përditshmja spanjolle Marca, përcjell Arbresh.info

“E kisha parë Cristianon përpara se të takoheshin. Kam punuar me Georgina Rodriguez në Gucci rreth dy muaj apo më shumë para se ajo të bëhej një personazh i famshëm. Ne përkonim disa herë duke punuar në dyqan, ajo ishte në seksionin e femrave dhe unë në atë të meshkujve, unë e kisha parë tashmë Cristiano disa herë në dyqan para se të takoheshin dhe të them të drejtën, ka shumë thashetheme që u komentonin për Cristianon dhe Georginën. Siç e dinë të gjithë, ata u takuan kur Cristiano po hynte në dyqanin Gucci me disa miq dhe djalin e tij ndërsa ajo po ecte drejt derës, por nuk ishte kështu. Kur Cristiano hyri në dyqanin Gucci, të gjithë u kthyem për ta parë sepse ai lloj klienti kujdeset vetëm nga menaxherët e dyqanit”, tha Pablo Bone.

“Ajo ishte gjithmonë në kërkim për tu bërë e suksesshme dhe e famshme”, shtoi ai.

Bone zbuloi gjithashtu se në një rast Cristiano Ronaldo mbylli dyqanin për të qenë vetëm me kreun e Gucci dhe partneren e tij të ardhshme.

“Georgina ka qenë gjithmonë e tillë, edhe sikur të mos kishte shumë para apo të mos kishte paratë që ka tani, gjithmonë kishte një lloj arrogance dhe epërsie, në fund kërkonte gjithmonë të ishte e suksesshme dhe famshme. Kjo është arsyeja pse ajo punoi në firma të ndryshme luksoze, ajo njihte shumë njerëz në botën e jetës së natës në Madrid. Ajo lëvizte në mjedise ku paratë ishin të bollshme. Është e vërtetë që jetonte në një apartament shumë të varfër, shumë të lirë, por gjithmonë donte të ngjitej lart, gjithmonë donte të rritej dhe kur takoi Cristiano ishte shansi i saj për t’u bërë yll.”, përfundoi Pablo Bone.

Kujtojmë se Cristiano ka djalin Christiano Junior, 12 vjeç dhe binjakët Eva dhe Mateo, pesë vjeç, të cilët i kishte para se të takonte Georgina, dhe ata janë prindër të vajzës Alana Martina, katër vjeç.

Në tetor 2021 çifti zbuloi se ishin në pritje të binjakëve, por djali i tyre vdiq në lindje më 18 prill, ndërsa vajza e çiftit mbijetoi.