Shfaqje e veçantë nga Miley Cyrus për nder të viktimave të Las Vegasit (VIDEO)

15:53 | 3 Tetor 2017
Arbresh.info

Miley Cyrus dhe Adam Sandler nderuan viktimat e Las Vegas me një shfaqje të veçantë.

Dyshja doli në skenën e “The Tonight Show”, për një duet me këngën “No Freedom”, të Didos, të hënën në mbrëmje, transmeton Klan Kosova.

“Këtë mëngjes u zgjuam me lajmin në lidhje me të shtëna të pakuptimta – këtë herë në Las Vegas. Përballë tragjedive dhe akteve të terrorit, duhet të kujtojmë se e mira ende ekziston në këtë botë. Ne jemi këtu për t’ju argëtuar sonte dhe kjo është ajo që ne do të bëjmë”, tha Jimmy Fallon gjatë hapjes së shfaqjes.

Më vonë, Miley shfrytëzoi Twitter-in për të falënderuar Adam, i cili ishte mysafir i planifikuar për këtë shfaqje, për t’u bashkuar me të në skenë.

“S’ka dashuri pa liri, s’ka liri pa dashuri. Faleminderit shumë Adam Sandler që bashkove me mua sonte për t’i kujtuar të gjithë ata që humbën jetën”, shkroi këngëtarja.

https://www.youtube.com/watch?v=8z2RgsLSn-c

Shpërndaje në rrjete sociale

Lajmet më të lexuara

Të ngjashme

Foto lajm