Rihanna po i kthehet muzikës

08:47 | 20 Tetor 2022
A. B.

Ylli botëror, Rihanna duket se ka vendosur t’i rikthehet asaj që di të bëjë më së miri.

Këngëtarja e hitit “Diamonds“ po planifikon rikthimin e saj në muzikë, teksa thuhet se ka incizuar dy këngë të reja për filmin e ardhshëm të regjisorit Ryan Coogler, “Black Panther: Wakanda Forever”, shkruan NME.

Këngët e saj të reja do të shfaqen në filmin e ardhshëm të “Marvel”-it, i cili do të publikohet më 11 nëntor, madje u tha se ajo edhe do të jetë pjesë e kastit të aktorëve të filmit, por diçka e tillë nuk është konfirmuar akoma nga drejtuesit.

“Anti” ishte albumi i tetë, njëherësh i fundit nga Rihanna, i cili u lansua në vitin 2016 e që ishte ndër më të suksesshmit në të gjithë karrierën e saj si solo artiste.

Kur bëhet fjalë për muzikë, Rihanna do të kryesojë shfaqjen e pjesës së parë të “Super Bowl 2023”, ndërkohë që pritet që performanca e saj të jetë ndër më të veçantat ndonjëherë. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm