Rihanna ka befasuar me deklaratat për Chris Brown.

Rihanna ka zbuluar se ajo ka rindërtuar miqësinë e saj me Chris Brown dhe thotë se ajo ndoshta do ta dojë “gjithmonë”, shkruan Yahoo.

Në shkurt 2009 Brown pranoi se kishte sulmuar fizikisht Rihannën, e dashura e tij në atë kohë, natën e ndarjes së çmimeve Grammy.

Ai u dënua me pesë vjet shërbim dhe u urdhërua të qëndronte larg këngëtares së hitit “Umbrella”. Rihanna, 32 vjeçe, më parë foli haptas në një intervistë me Oprah Winfrey për faljen e Brown.

“Ne kemi punuar për të qenë shokë sërish dhe jemi shokë shumë të ngushtë. Kemi ndërtuar sërish besim dhe kjo është e gjitha. Ne e duam njëri-tjetrin dhe besoj se kështu do jetë gjithmonë. Nuk ka asgjë të cilën përpiqemi ta ndryshojmë. Kjo nuk është diçka që mund ta mbyllësh, nëse ke qenë ndonjëherë e dashuruar”, janë fjalët e këngëtares.

“Unë mendoj se ai ishte dashuria e jetës sime. Ai ishte dashuria e parë. Dhe unë shoh që ai më donte në të njëjtën mënyrë … nuk ka të bëjë as me ne që jemi së bashku. Unë me të vërtetë e dua atë. Pra, gjëja kryesore për mua është se ai është në paqe. Unë nuk jam në paqe nëse ai është pak i pakënaqur, ose është akoma i vetmuar”, vazhdon Rihanna.

E pyetur nëse kanë rifilluar romancën, artistja deklaroi se ai është në një lidhje “Unë jam beqare, por kemi mbajtur miqësi shumë të ngushtë”.

Rihanna tregoi se ka punuar edhe për të rregulluar raportet me babanë e saj, i cili ishte abuziv me nënën e saj, transmeton lajmi.net.

Sa i përket ndjenjave për Brown, Rihanna tha “Mendova se e urreja chris dhe e kuptova se dashuria ishte njollosur. Dukej si urrejtje sepse ishte e shëmtuar, e zemëruar, ishte e përflakur, ishte e njollosur. Dhe e kuptova se çfarë ishte. Unë duhej ta falja atë sepse kujdesesha akoma për të. Dhe në momentin që e lashë të shkojë, fillova të jetoja përsëri “.

Për sulmin e shumëpërfolur, Rihanna deklaron “Unë u lëndova më shumë, askush nuk e ndjeu atë që ndjeva. Më ka ndodhur …”.