Qëllohet për vdekje aktorja 22 vjeçare, Jonshel Alexander

15:00 | 2 Dhjetor 2021
A. B.

Aktorja e njohur, Jonshel Alexander u vra gjatë të shtënave në fundjavë në vendlindjen e saj Louisiana.

Ajo ndërroi jetë në moshën 22-vjeçare, shkruan ‘People’ transmeton arbresh.info

Policia tha se Alexander dhe një burrë u qëlluan brenda një automjeti të shtunën në New Orleans dhe ajo u shpall e vdekur në vendngjarje. Burri, emri i të cilit nuk bëhet i ditur, është dërguar me makinë në spital për trajtim.

Në moshën 12-vjeçare, ajo luajti personazhin Joy Strong në “Beasts of the Southern Wild”, një dramë e filmuar pranë Houma që tregon historinë e një komuniteti të varfër të Louisianas.

Filmi fitoi ‘Çmimin e Madh të Jurisë’ në ‘Festivalin e Filmit Sundance’ dhe u nominua për katër çmime ‘Oscar’, duke përfshirë ‘filmin më të mirë’.

Ndërkohë, hetuesit janë në kërkim të një personi për të shtënat dhe kanë kërkuar ndihmën e publikut për çdo informacion në lidhje me rastin. /arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm